33
لاہور، آئی جی پنجاب عثمان انور کی جانب سے مسیحی ملازمین کے لیے 10 ہزار روپے فی کس عیدی دینے کا اعلان کر دیا گیا۔
سینٹرل پولیس آفس کے مسیحی افسران اور ملازمین کے اعزاز میں تقریب منعقد ہوئی۔ تقریب میں آئی جی پنجاب عثمان انور نے بطور مہمان خصوصی شرکت کی۔
آئی جی پنجاب نے اچھی کارکردگی کے حامل مسیحی ملازمین کو تعریفی اسناد دیئے اور پنجاب کے مسیحی ملازمین کو 10 ہزار روپے فی کس عیدی دینے کا اعلان کیا،عثمان انور نے کرسمس پر مسیحی ملازمین کے لیے اضافی تعطیل کا بھی اعلان کیا۔
آئی جی پنجاب نے تقریب سے خطاب کرتے ہوئے کہا کہ پولیس مسیحی بھائیوں کی خوشیوں میں برابر کی شریک ہے۔ اور پولیس مسیحی کمیونٹی کو بھرپور سیکیورٹی فراہم کرے گی۔
عثمان انور کا کہنا تھا کہ مسیحی سمیت 375 خواتین اقلیتی اہلکار بھی پنجاب پولیس کا اہم ترین جزو ہیں۔
