25
رہنما پی ٹی آئی اور قومی اسمبلی میں اپوزیشن لیڈر عمر ایوب کا کہنا ہے کہ وزیر اعلیٰ علی امین گنڈاپور کو ہٹانے کی بات بے بنیاد ہے۔
پشاور میں میڈیا سے گفتگو کے دوران رہنما پی ٹی آئی عمر ایوب کا کہنا ہے کہ علی امین گنڈاپور صوبائی معاملات اچھے طریقے سے سنبھال رہے ہیں، پارٹی میں کسی قسم کے اختلافات نہیں ہیں۔
رہنما پی ٹی آئی عمر ایوب کا کہنا ہے کہ حکومت جیسی بھی ہے مذاکرات ان سے ہی کرنے ہیں، 5 دسمبر کو عمران خان سے ملاقات ہوئی تھی، 5 دسمبر کو ہی مذاکراتی کمیٹی تشکیل دی گئی تھی۔
عمر ایوب کا کہنا تھا کہ اس کے بعد مجھے گرفتار کیا گیا، کمیٹی تشکیل دینے کے بعد سے اب تک بانی پی ٹی آئی سے ملاقات نہیں ہوئی۔
اس سے قبل پشاور ہائیکورٹ نے عمر ایوب کی ایک ماہ کی راہداری ضمانت منظور کرلی۔
راہداری ضمانت کی درخواست پشاور ہائیکورٹ کے چیف جسٹس اشتیاق ابراہیم نے سماعت کرتے ہوئے عمر ایوب کو درج مقدمات میں گرفتار نہ کرنے کا حکم دے دیا۔
