33
وین میں آگ لگنے سے 12 افراد جھلس گئے۔
کراچی، لانڈھی بھینس کالونی کے قریب وین میں آگ لگنے سے 12 افراد جھلس گئے۔
ریسکیو حکام کا بتانا ہے کہ معلوم ہوا ہے کہ متاثرہ گاڑی دوکان سے گیس بھروانے کے بعد کھڑی تھی کہ اس میں اچانک آگ لگ گئی جس میں گاڑی میں سوار 12 افراد جھلس کر زخمی ہوگئے جنہیں فوری طبی امداد کے لیے اسپتال منتقل کردیا گیا۔
حکام کے مطابق متاثرہ افراد ٹنڈو محمد خان سے واپس کراچی اپنے گھر آ رہے تھے، متاثرہ گاڑی میں گیس سلنڈر محفوظ حالت میں پایا گیا۔
دوسری جانب میاں چنوں میں 12 سال کے بچے کو زیادتی کے بعد موت کے گھاٹ اتار دیا۔
پولیس کے مطابق 12 سال کا بچہ اپنی بہن کے ہمراہ ملتان سے 3 روز پہلے اپنے کزن کی شادی میں میاں چنوں آیا تھا۔
پولیس کا کہنا ہے کہ بچہ اچانک غائب ہوگیا تھا جس کے بعد اسے تلاش کیا گیا اور پھر اس کے اغوا کا مقدمہ گزشتہ روز تھانہ چھب کلاں میں درج کیا گیا تھا۔
