36
پرائیویٹ سکولوں کی جانب سے ونٹر کیمپ کی درخواست مسترد کردی گئی۔
لاہور: سیکرٹری سکولز ایجوکیشن خالد نذیر وٹو نے واضح کر دیا کہ موسم سرما کی تعطیلات کے دوران کسی بھی ضلع میں ونٹر کیمپ لگانے کی اجازت نہیں دی جائے گی۔
پرائیویٹ اسکول مالکان کی جانب سے غیر اعلانیہ چھٹیوں کے پیش نظر ونٹر کیمپ لگانے کی اجازت طلب کی گئی تھی، جس پر سیکرٹری سکولز ایجوکیشن نے تمام اتھارٹیز کے سربراہان کو ہدایات جاری کرتے ہوئے کہا کہ چھٹیوں میں زبردستی کلاسز لگانے والے اسکولوں کے خلاف سخت کارروائی کی جائے گی۔
انہوں نے مزید کہا کہ موسم سرما کی تعطیلات بچوں کے لیے ذہنی سکون کا باعث بنتی ہیں، اور اساتذہ چھٹیوں کے بعد اضافی کلاسز کے ذریعے سلیبس مکمل کروا سکتے ہیں۔ حکومت نے تعطیلات کے دوران طلباء کو سکون فراہم کرنے کے لیے ونٹر کیمپ لگانے کی تمام درخواستیں مسترد کر دی ہیں۔
