پشاور، خیبرپختونخوا کے مشیر بیرسٹر سیف کا کہنا ہے کہ کرم میں بنکرز گرانے اور اسلحہ جمع کرانے کے بعد راستے مکمل طور پر کھول دیے جائیں گے۔
ایک بیان میں بیرسٹر سیف کا کہنا ہے کہ ایپکس کمیٹی کے فیصلے کی روشنی میں ضلع کرم کو اسلحے سے پاک کیا جائے گا، پائیدار امن کیلئے ضلع میں بنکرز گرانے کو یقینی بنایا جائے گا، کرم میں راستوں کی بندش کے باعث درپیش عوامی مسائل کا ادراک ہے۔
بیرسٹر سیف کا کہنا تھا کہ امن معاہدے کے بعد معمولات زندگی بحال ہو جائیں گے، بنکرز گرانے اور اسلحہ جمع کرانے کے بعد راستے مکمل طور پر کھول دیے جائیں گے۔
صوبائی مشیر اطلاعات نے کہا کہ حکومت کرم میں پائیدار اور دیرپا امن چاہتی ہے، بعض عناصر کرم میں دیرپا امن کے دشمن ہیں، کچھ عناصر کرم سے متعلق سوشل میڈیا پر بے بنیاد پروپیگنڈا کررہے ہیں، کچھ عناصر صوبائی حکومت کی مخلصانہ کوششوں کوغلط رنگ دے رہے ہیں۔
دوسری جانب وفاقی وزیر نجکاری عبدالعلیم خان کا کہنا ہے کہ پی آئی اے کی پرائیویٹائزیشن کیلئے امور تیزی سے نمٹائے جا رہے ہیں، جلد اچھی خبر ملے گی۔
