استونگ، حر جماعت کے روحانی پیشوا اور مسلم لیگ فنشکنل کے سربراہ پیر پگارا کا کہنا ہے کہ ہم ووٹ الف کو دیتے ہیں اور حکومت میں ب آ جاتا ہے۔
سربراہ مسلم لیگ فنشکنل پیر پگارا نے پریس کانفرنس کے دوران کہا کہ اب یہ حکومت بنائی ہے جو چل ہی نہیں رہی بلکہ جھوٹ پر قائم ہے، ملک میں روزگار نہیں دے سکتے تو عزت ہی دے دیں۔
پیر پگارا کا کہنا ہے کہ حکومت میں بیٹھے ہوئے لوگ ایک دوسرے کے ساتھ جھوٹ بول رہے ہیں، آپ کے اور میرے ووٹ سے نہ حکومت بنتی ہے اور نہ ٹوٹتی ہے۔
روحانی پیشوا کا کہنا تھا کہ عزت دار لوگ سیاست سے باہر ہو جائیں گے تو پھر ٹھیکیدار ملک چلائیں گے، ہمیں ملک کے لیے سوچنا ہوگا، سیلاب ہو یا دیگر آفات مدد کے لیے فوج ہی آتی ہے۔
مسلم لیگ فنشکنل کے سربراہ کا کہنا تھا کہ سب قانون کے مطابق چلیں گے تو بہتر ہوگا ورنہ پھر گاڑی اسی طرح چلے گی، ہمیں تو پتہ ہے کہ 70 سال سے الیکشن کیسے ہو رہے ہیں، اس بار عالمی سطح پر بھی پتہ چل گیا کہ الیکشن کیسے ہوتے ہیں۔
پیر پگارا نے کہا کہ پانی کا مسئلہ ہے جہاں بھی گیا تو لوگوں کا حال دیکھ کر افسوس ہوا، ایسے بھی علاقے ہیں جہاں پینے اور نہانے کے لیے پانی نہیں ہے، اگر صدر زرداری نے کینالز کے لیے این او سی دیا ہے تو ہم تو کچھ نہیں کر سکتے۔
