یورپی یونین کے ادارہ برائے پناہ گزین (ای یو اے اے) کا کہنا ہے کہ اکتوبر 2023 سے اکتوبر 2024 کے دوران 28 ہزار پاکستانیوں نے یورپی یونین پلس ممالک میں پناہ کیلئے درخواستیں دیں۔
گزشتہ سال اکتوبر میں پاکستانیوں کی 3400 کے قریب یورپ میں پناہ کی درخواستیں موصول ہوئیں اس ماہ اعداد وشمار میں کمی ریکارد کی گئی، اکتوبر 2024 یہ تعداد 1900 ہے۔
پاکستانیوں کی جانب سے پناہ کی سب سے زیادہ درخواستیں وصول کرنے والا ملک اٹلی تھا، جس کے بعد فرانس، یونان اور جرمنی میں بڑی تعداد میں پاکستانیوں نے درخواستیں دیں۔
کنٹری فوکس آن پاکستان رپورٹ میں بتایا گیا ہے کہ یورپی یونین پلس ممالک نے پاکستانی درخواستوں پر 20 ہزار فیصلے جاری کئے جن میں سے صرف 12 فیصد درخواست دہندگان کو پناہ گزین کا درجہ یا ذیلی تحفظ دیا گیا۔
دوسری جانب سربراہ عوام پاکستان پارٹی و سابق وزیراعظم شاہد خاقان عباسی کا کہنا ہے کہ طاقتور طبقات کو آئین کے تابع ہونا پڑے گا۔
ایک سیمینار سے خطاب کے دوران سابق وزیراعظم شاہد خاقان عباسی نے کہا کہ حکومت اپنے مفاد کیلئے آئین تبدیل کرنا چاہتی ہے، ڈائیلاگ کے نام پر اپوزیشن اور برسر اقتدار طبقہ عوام کو بیوقوف بنا رہا ہے۔
سابق وزیراعظم نے کہا کہ پارلیمان کے استحکام کیلئے حکومت کو سنجیدہ ہونا پڑے گا ، طاقتور طبقات کو آئین کے تابع ہونا پڑے گا۔
