آئی فون صارفین خبردار، یہ ایپ آپ کے تمام پاسورڈز لیک کرسکتی

آئی فون صارفین کو خبردار کیا گیا ہے جس میں انہیں اپنے موبائل فون کی سیٹنگز کا جائزہ لینے اور فون اپ ڈیٹ کرنے کی ہدایت کی گئی ہے۔

ایپل کے ماہرین نے آئی فون صارفین کو خبردار کیا ہے کہ آئی او ایس 18 میں ایک بگ پایا گیا ہے جو حساس معلومات، خاص طور پر پاسورڈز، کے لیک ہونے کا باعث بن سکتا ہے۔

یہ بھی پڑھیں

نئے آئی او ایس 18 کے ساتھ، صارفین کو ایک نئی ایپ ‘پاسورڈز’ ہوم اسکرین پر نظر آتی ہے، جو خودکار طور پر ڈاؤن لوڈ ہو جاتی ہے۔ یہ ایپ تمام لاگ اِن تفصیلات اور پاسورڈز کو ایک جگہ محفوظ کرنے کے لیے بنائی گئی ہے۔

تاہم، ایک بڑی خامی سامنے آئی ہے۔ سیکیورٹی ریسرچر ٹامی میسک کے مطابق، یہ ایپ اَن انکرپٹڈ HTTP پروٹوکول کا استعمال کر رہی ہے۔
اس کا مطلب یہ ہے کہ اگر صارف کسی ویب سائٹ پر لاگ اِن کرنے کے لیے پاسورڈز ایپ کو اجازت دیتا ہے، تو ان کی معلومات غیر محفوظ ہو سکتی ہیں اور ہیکرز کے لیے قابلِ رسائی ہو سکتی ہیں۔

ایپل نے اس بگ کو حل کر دیا ہے، لیکن صارفین کو اپنی ڈیوائس کی سیٹنگز اپ ڈیٹ کرنے کی سختی سے ہدایت کی گئی ہے تاکہ یہ یقینی بنایا جا سکے کہ ان کی معلومات محفوظ ہیں۔