39
پی ٹی آئی کے 26 نومبر کے احتجاج کے دوران زخمی ہونے والا پاکستان رینجرز پنجاب کا ایک اور جوان شہید ہوگیا۔
سکیورٹی ذرائع کا بتانا ہے کہ پنجاب رینجرز کے لانس نائیک محمد تنویر پرتشدد کارروائی میں زخمی ہوئے تھے۔
ذرائع کے مطابق پنجاب رینجرز کے لانس نائیک محمد تنویر کومہ کی حالت میں تھے۔
لانس نائک محمد تنویر شہید کے سوگواروں میں اہلیہ، 2 بیٹے اور 3 بیٹیاں بھی شامل ہیں۔
واضح رہے کہ تحریک انصاف کے 26 نومبر کے احتجاج کے دوران وفاقی دارالحکومت اسلام آباد میں سری نگر ہائی وے پر شرپسندوں نے رینجرز اہلکاروں پر گاڑی چڑھا دی تھی جس کے نتیجے میں 3 رینجرز اہلکار شہید ہوگئے تھے۔
سکیورٹی ذرائع کے مطابق شرپسندوں کے حملوں سے رینجرز کے شہید اہلکاروں کی تعداد 4 ہوگئی ہے۔
علاوہ ازیں شرپسندوں کے حملوں میں پنجاب پولیس کے 2 اہلکار شہید اور 119 زخمی ہوئے تھے جبکہ اسلام آباد پولیس کے 11 اہلکار شدید زخمی ہوئے تھے۔
