پاکستانی صحافی اور تجزیہ کار ارشاد بھٹی نے دوسری شادی کر لی ہے۔
مشہور صحافی اور تجزیہ نگار ارشاد بھٹی نے سابقہ اداکارہ سماراج سے دوسری شادی کر لی۔ شادی کی تقریبات لاہور کی بادشاہی مسجد کے قریب ایک ریسٹورنٹ میں منعقد ہوئیں، جہاں قریبی دوست احباب اور رشتہ داروں نے شرکت کی۔
سماراج نے اپنے آفیشل انسٹاگرام اکاؤنٹ پر شادی کی ویڈیوز شیئر کرتے ہوئے ایک قرآنی آیت کا ترجمہ لکھا، "اور ہم نے تمہیں جوڑوں میں پیدا کیا”، اور دعا کی کہ اللہ انہیں دنیا، آخرت اور جنت میں ساتھ رکھے۔
دونوں کا نکاح دو ہفتے قبل ہوا تھا اور ان کی شادی کی ویڈیوز سوشل میڈیا پر وائرل ہو رہی ہیں، جہاں سوشل میڈیا صارفین دونوں کو مبارکباد دے رہے ہیں اور نیک خواہشات کا اظہار کر رہے ہیں۔
ایک پرانا کلپ بھی سوشل میڈیا پر گردش کر رہا ہے جس میں میزبان ارشاد بھٹی کے بارے میں سوال کرتا ہے کہ ان کا پراجیکٹ "دودھ پتی” کب لانچ ہو رہا ہے، جس پر ارشاد بھٹی مزاحیہ انداز میں جواب دیتے ہیں، "اللہ آپ کی زبان مبارک کرے”۔
