39
ادویات کی قلت کے سبب 2 مہینوں میں 29 بچے موت کی آغوش میں چلے گئے ہیں۔
پارا چنار اسپتال کے ایم ایس کی جانب سے انکشاف کیا گیا کہ کرم میں ادویات کی قلت کی وجہ سے 2 مہینوں میں 29 بچے موت کی آغوش میں چلے گئے ہیں۔
پشاور، پاراچنار مرکزی شاہراہ سمیت آمدورفت کے راستے گزشتہ 70 دنوں سے بند ہیں، راستوں کی بندش کی وجہ سے ضلع میں اشیائے خوردونوش، پیٹرول، گیس اور ادویات کی شدید قلت پیدا ہوگئی ہے۔
ایم ایس پارا چنار اسپتال نے کہا کہ ادویات اور دیگر سہولیات نہ ملنے پر مزید بحرانی کیفیت پیدا ہوسکتی ہے۔
دوسری جانب ڈپٹی کمشنر جاوید اللہ کا کہنا ہے کہ ضلع کرم میں امن ومان کی صورتحال کے حوالے سے قائم کیے جانے والا گرینڈ جرگہ آج دوبارہ شروع ہوگا۔
یاد رہے کہ ضلع کرم میں قبائل کے درمیان ہونے والے تصادم میں 100 سے زائد افراد جاں بحق ہوئے تھے جس کے بعد تاحال راستے بند ہیں۔
