سابق کپتان پاکستان کرکٹ ٹیم شاہد خان آفریدی کی بڑی بیٹی اقصیٰ کے ہاں پہلے بچے کی پیدائش ہوئی ہے۔
قومی کرکٹ ٹیم کے سابق کپتان شاہد آفریدی ایک بار پھر نانا بن گئے ہیں۔ ان کی بڑی بیٹی اقصیٰ آفریدی کے ہاں پہلی بچی کی پیدائش ہوئی ہے۔
شاہد آفریدی نے یہ خوشخبری سوشل میڈیا پر شیئر کرتے ہوئے کہا: “الحمداللہ! اقصیٰ اور نصیر کو اللہ نے خوبصورت بیٹی سے نوازا ہے، جس کا نام ’آئرا‘ رکھا گیا ہے۔”
انہوں نے مزید کہا کہ بیٹیاں اللہ کی سب سے قیمتی نعمت ہیں اور مداحوں سے دعا کی درخواست بھی کی۔
آفریدی نے اس موقع پر ایک تصویر بھی شیئر کی جس میں ان کی بیٹی اقصیٰ اور داماد نصیر اپنی نومولود بچی ’آئرا‘ کو محبت سے اٹھائے ہوئے ہیں۔
یاد رہے کہ شاہد آفریدی کی بڑی بیٹی اقصیٰ کا نکاح دسمبر 2022 میں نصیر سے ہوا تھا، جبکہ ان کی رخصتی جولائی 2023 میں انجام پائی۔
اس سے قبل، اگست 2023 میں شاہد آفریدی کی دوسری بیٹی انشا اور فاسٹ بولر شاہین آفریدی کے ہاں بیٹے کی پیدائش ہوئی تھی، جس کے بعد شاہد آفریدی پہلی بار نانا بنے تھے۔
دلچسپ بات یہ ہے کہ شاہد آفریدی نے ایک انٹرویو میں مزاحیہ انداز میں کہا تھا: “جب تک میری پانچویں بیٹی کے ہاں بچے کی پیدائش نہیں ہوجاتی، میں خود کو نانا تسلیم نہیں کرتا۔”
مداحوں کی جانب سے شاہد آفریدی اور ان کے خاندان کو خوب مبارکباد دی جا رہی ہے۔
