37
پی ٹی اے نے صارفین کیساتھ فراڈ کرنیوالے ہزاروں موبائل فون نمبرز بلاک کردیے۔
اسلام آباد، پاکستان ٹیلی کام اتھارٹی (پی ٹی اے) کی جانب سے صارفین کے ساتھ فراڈ کرنے والے ہزاروں موبائل فون نمبرز بلاک کردیے گئے۔
پی ٹی اے حکام کے مطابق موبائل فون صارفین کیساتھ فراڈ کرنیوالوں کے خلاف کارروائیاں جاری ہیں۔
پاکستان ٹیلی کام حکام نے بتایا ہے کہ 1 سال میں دھوکا دہی میں ملوث 5 ہزار 294 موبائل نمبرز بلاک کیے گئے۔
پی ٹی اے حکام نے بتایا ہے کہ فراڈ اور دھوکا دہی میں ملوث 4 ہزار 507 آئی ایم ای آئی (IMEI) بلاک کیے گئے، جبکہ گزشتہ مالی سال فراڈ میں ملوث 113 افراد کے شناختی کارڈز بھی بلاک کیے گئے۔
رپورٹ کے مطابق پی ٹی اے کو چوری شدہ موبائلز بلاک کرنے کی 27 ہزار 351 شکایات موصول ہوئیں، جبکہ ایک سال میں موبائل ان بلاک کرنے کی ایک ہزار 818 درخواستیں موصول ہوئیں۔
