46
پشاور، سابق اسپیکر قومی اسمبلی اور تحریک انصاف کے رہنما اسد قیصر نے ایک بار پھر مذاکرات پر رضا مندی کا اظہار کیا ہے۔
نجی ٹی وی چینل سے گفتگو کے دوران سابق اسپیکر قومی اسمبلی اسد قیصر نے کہا کہ ملک کی سیاسی اور امن وامان کی صورتحال پر جرگہ بلانے پر غور کررہے ہیں جس میں احتجاج کے حوالے سے آئندہ کے لائحہ عمل پر غور کیا جائے گا۔
مذاکرات سے متعلق سوال پر اسد قیصر نے کہا کہ حکومت مذاکرات میں سنجیدہ ہے تو ہم بات کرنے کو تیار ہیں۔
دوسری جانب پی ٹی آئی ذرائع کے مطابق تحریک انصاف کے جرگے میں اپوزیشن پارٹیوں کے رہنماؤں اور قبائلی عمائدین کوبلایا جائے گا۔
یاد رہے کہ پی ٹی آئی اور حکومت کے درمیان مذاکرات کے حوالے سے قیاس آرائیاں کافی دنوں سے جاری ہیں، اس متعلق کچھ ملاقاتوں کی خبریں بھی گزشتہ دنوں سامنے آئیں مگر اب تک دونوں جانب سے مذاکرات کے حوالے سے کوئی واضح لائحہ عمل سامنے نہیں آسکا ہے۔
