شرح سود میں بھاری کمی کا امکان ظاہر کیا جارہا ہے۔
اسلام آباد، افراط زر کی شرح میں بڑی کمی کے بعد شرح سود میں بھی بھاری کمی کا امکان ظاہر کیا جارہا ہے۔
نجی ٹی وی چینل کے مطابق مانیٹری پالیسی کمیٹی کا اجلاس آج ہو گا جس دوران افراط زر کی صورتحال پر غور کیا جائے گا اور آئندہ ڈیڑھ مہینے کیلئے شرح سود کا تعین ہو گا۔
4 نومبر کے اجلاس میں پالیسی ریٹ 250 بیسز پوائنٹس کم کر کے 15 فیصد مقرر کیا گیا تھا تاہم افراط زر 4.9 فیصد کی سطح پر آنے کے بعد آج پالیسی ریٹ میں نمایاں کمی کی توقع کی جارہی ہے۔
تاجر برادری اور صنعتی شعبہ پالیسی ریٹ میں یکمشت بڑی کمی پر زور دے رہا ہے۔
دوسری جانب مشیر اطلاعات خیبر پختونخوا بیرسٹر سیف کا کہنا ہے کہ کرم گرینڈ جرگہ ختم نہیں ہوا بلکہ فریقین نے مزید مشاورت کیلئے ایک دن کا وقت مانگا ہے۔
ایک انٹرویو میں بیرسٹر سیف نے کہا کہ ایک دن کا وقفہ بنکرز کے خاتمے، اسلحہ جمع کرنے سے متعلق مشاورت کیلئے کیا، کابینہ کے فیصلے کے مطابق اسلحہ جمع کرانا اور بنکرز کا خاتمہ انتہائی ناگزیر ہے۔
