لاہور، معروف پاکستانی اداکار جنید خان کی جانب سے کیارہ ایڈوانی کو پسندیدہ اداکارہ قرار دے دیا گیا۔
حال ہی میں معروف اداکار جنید خان نجی ٹی وی کے پروگرام میں مہمان کی حیثیت سے شریک ہوئے، جہاں انہوں نے مختلف موضوعات پر کھل کر اظہار خیال کیا اور مختلف سوالات کے دلچسپ جوابات دیئے۔
نجی زندگی سے متعلق بات کرتے ہوئے اداکار جنید خان نے کہا کہ انہوں نے بیرون ملک سے مائننگ انجینئرنگ کی ڈگری لے رکھی ہے لیکن انہوں نے مائننگ کی کبھی ملازمت نہیں کی اور نہ ہی انہیں مائننگ کے شعبے میں کام کرنے کی خواہش ہے۔
ایک سوال کے جواب میں اداکار جنید نے انہیں بتایا کہ انہیں ایکشن اور کامیڈی فلمیں اور کہانیاں پسند ہیں، اس لیے انہیں ہریتیک روشن، سلمان خان اور شاہ رخ خان جیسے اداکار پسند ہیں جبکہ بالی ووڈ اداکاراؤں میں کیارہ ایڈوانی ان کی پسندیدہ اداکارہ ہیں۔
اداکار نے کہا کہ اگر کبھی موقع ملا تو بھارتی گلوکار و اداکار دلجیت دوسانجھ اور گلوکار ارجیت سنگھ کے ساتھ کام کرنا چاہوں گا، دونوں بہترین کام کر رہے ہیں جب کہ باقی فنکار بھی اچھا کام کر رہے۔
