پشاور، الیکشن ٹربیونل کے جج جسٹس وقار احمد کی جانب سے الیکشن کیسز سننے سے خود کو الگ کرلیا گیا۔
نجی ٹی وی چینل کے مطابق اس سلسلے میں جسٹس وقار احمد کی جانب سے آرڈر شیٹ جاری کی گئی جس میں جسٹس نے خود کو الیکشن ٹربیونل سے الگ کرنے کی تصدیق کی ہے۔
آرڈر شیٹ کے مطابق اعتراض کنندہ نے ٹربیونل پر اعتراض کیا ہے، اعتراض کنندہ کے مطابق میں پی ٹی آئی لائرز فورم کا رکن رہاہوں، پی ٹی آئی دورحکومت میں ایڈیشنل ایڈووکیٹ جنرل رہا ہوں لیکن جب کوئی جج بنتا ہے اور حلف اٹھاتا ہےتو ان کا کسی پارٹی سےتعلق نہیں رہتا۔
جسٹس وقار احمد نے کہا کہ مجھ پر اعتراض کے بعد الیکشن کمیشن کے کیسز دوسرے ٹربیونل میں منتقل کیےجائیں، اعتراضات کے بعد الیکشن کیسز نہیں سن سکتا۔
یادرہےکہ تحریک انصا ف پارلیمنٹیرین کے رکن صوبائی اسمبلی ارباب وسیم نےجسٹس وقار احمد پراعتراض کیا تھا۔
دوسری جانب رہنماجے یو آئی (ف) حافظ حمد اللہ کا کہنا ہے کہ مدارس رجسٹریشن بل پر صدر کے اعتراضات سے بلی تھیلے سے باہر آگئی ہے۔
ایک بیان میں حافظ حمداللہ کا کہنا ہے کہ اعتراضات سے ثابت ہوا کہ اصل مقصد مدارس کوفیٹف کے کہنے پر فیٹف کے حوالے کرنا ہے ، یہ بھی ثابت ہوگیا کہ پارلیمنٹ پاکستان کا نہیں فیٹف کا پارلیمنٹ ہے۔
