سابق اسپیکر قومی اسمبلی اسد قیصر کی عبوری ضمانت میں توسیع کردی گئی۔
اسلام آباد، انسداد دہشتگردی عدالت نے سنگجانی جلسے کے دوران توڑ پھوڑ کے مقدمے میں اسد قیصر کی عبوری ضمانت میں توسیع کردی۔
اسلام آباد کی انسداد دہشتگردی عدالت کے جج ابو الحسنات ذوالقرنین نے اسد قیصرکے خلاف پی ٹی آئی کے سنگجانی جلسے کے دوران توڑپھوڑ کیس کی سماعت کی، جس دوران وکیل صفائی عائشہ خالد کی جانب سے اسد قیصر کی حاضری سے استثنیٰ کی درخواست دائر کی گئی۔
عائشہ خالد کا کہنا ہے کہ اسد قیصرکی طبیعت ناساز ہے، حاضری سے استثنیٰ کی درخواست کے ساتھ میڈیکل سرٹیفکیٹ منسلک کیا ہے۔
عدالت کی جانب سے اسد قیصر کی استثنیٰ کی درخواست کو منظور کرتے ہوئے عبوری ضمانت میں 7 جنوری تک توسیع کردی گئی۔
دوسری جانب گرین پاکستان پروگرام (سابقہ ٹین بلین ٹری سونامی پروگرام) کے تحت پاکستان بھر میں 1 ارب سے زائد کم پودے لگائے جانے کا انکشاف ہوا ہے۔
سابقہ ٹین بلین ٹری سونامی پروگرام کے تحت پاکستان بھر میں ہدف کے 3 ارب 29 کروڑ 60 لاکھ کے مقابلے میں 2 ارب 21 کروڑ 20 لاکھ پودے لگائے جاسکے ہیں۔
