کراچی، سینئر وزیر سندھ شرجیل انعام میمن کا کہنا ہے کہ سی پیک صرف راہداری نہیں پاک چین قربت کا راستہ ہے۔
کراچی میں میڈیا سے گفتگو کے دوران شرجیل انعام میمن کا کہنا ہے کہ سندھ حکومت چینی سرمایہ کاروں کی ہر طرح کی معاونت کرے گی، چین کے ساتھ تعلقات کو مزید مضبوط کرنا چاہتے ہیں۔
شرجیل میمن کا کہنا تھا کہ سی پیک صرف راہداری نہیں دو ملکوں کی قربت کا راستہ ہے، چینی سرمایہ کاروں کے ساتھ 4 ایم او یوز پر دستخط ہوئے ہیں، توانائی اور زراعت کے شعبوں میں مفاہمتی یادداشتوں پر دستخط ہوئے، صدر زرداری نے سی پیک منصوبے کی بنیاد رکھی، منصوبہ پاکستان کی معیشت کو مستحکم کرے گا۔
سینئر صوبائی وزیر نے کہا کہ دھابیجی میں میڈیکل سٹی بنے گی، چاہتے ہیں پاکستانی اورچینی تاجروں میں قربت بڑھے، ہم سندھ میں ماحول دوست ٹیکسی سروس متعارف کروا رہے ہیں، سندھ حکومت سرمایہ کاروں کو مکمل تحفظ فراہم کرے گی۔
شرجیل میمن کا کہنا تھا کہ میڈیکل سٹی میں 50 ہزار نوجوانوں کو نوکریاں ملیں گی، چینی وفد کی صدر آصف زرداری سے ملاقات ہوئی، صدر نے چینی وفد سے کہا سندھ سمیت ملک بھر میں سرمایہ کاری کی جائے، چینی وفد نے مختلف شعبوں میں سرمایہ کاری کے لیے دلچسپی کا اظہار کیا۔
سینئر صوبائی وزیر کا کہنا تھا کہ بڑے بڑے منصوبے پبلک پرائیویٹ پارٹنر شپ پر چل رہے ہیں، سندھ میں ماحول دوست ٹیکسی سروس متعارف کروا رہے ہیں، پاکستان اور چین کے تاجروں کو قریب لائیں گے، تاجروں کا اعتماد بحال اور ان کو مضبوط کرنا ہوگا، چین پاکستان میں مختلف انڈسٹری زون بنانے میں مدد کر رہا ہے۔
