31
اسلام آباد، سپریم کورٹ کے آئینی بینچ نے 26 ویں ترمیم کے حوالے سے درخواستوں پر سماعت جنوری کے دوسرے ہفتے میں کرنے کا عندیہ دے دیا۔
سپریم کورٹ میں فوجی عدالتوں سے متعلق کیس کی سماعت کے دوران آئینی بینچ کی جانب سے 26 ویں ترمیم پر دائر درخواستوں پر سماعت جنوری کے دوسرے ہفتے کرنے کا عندیہ دیدیا گیا۔
سربراہ آئینی بینچ جسٹس امین الدین کا کہنا ہے کہ خصوصی عدالتوں سے متعلق کیس کا جلد فیصلہ کرنا چاہتے ہیں اور 26 ویں آئینی ترمیم کے خلاف درخواستیں اس کیس کے بعد سننی ہیں۔
جسٹس امین الدین کے مطابق 26 ویں آئینی ترمیم کے خلاف درخواستیں جنوری کے دوسرے ہفتے میں مقرر کرنا چاہتے ہیں، ہمارے پاس 26 ویں ترمیم سمیت بہت سے کیسز پائپ لائن میں ہیں۔
واضح رہے کہ سپریم کورٹ میں پی ٹی آئی سمیت دیگر فریقین نے 26 ویں ترمیم کے خلاف درخواستیں دائر کر رکھی ہیں۔
