پشاور، گورنر خیبرپختونخوا فیصل کریم کنڈی کا کہنا ہے کہ تحریک انصاف والے بنیادی طور پر این آر او چاہتے ہیں جو نہیں مل سکتا۔
نجی ٹی وی چینل سے گفتگو کے دوران گورنر پختونخوا فیصل کریم کنڈی نے کہا کہ پی ٹی آئی والوں نے سابق وزیراعظم عمران خان کو اقتدار کے لئے تنہا چھوڑ دیا، سابق وزیراعظم نے جو کرتوت کئے وہ اب بھگتنا پڑیں گے، عدالتوں نے فیصلہ کرنا ہے کہ عمران خان قصور وار ہیں یا بے قصور۔
فیصل کریم کنڈی کا کہنا تھا کہ فیض حمید نے اگر غلط کام کیا تو عدالتیں سزا دیں گی، بڑے عہدیدار بھی سزا سے نہیں بچ سکتے، ملک کے ہر شہری کیلئے قانون برابر ہے، پی ٹی آئی کی روایت ہے کہ مشکل وقت میں ساتھ چھوڑ دیتے ہیں۔
فیصل کریم کنڈی نے کہا کہ بشریٰ بی بی کہتی ہیں اکیلا چھوڑ دیا، وزیراعلیٰ کہتے ہیں میرے ساتھ تھیں، دونوں میں سب سے بڑا جھوٹا کون ہے؟ سول نافرمانی کی تحریک کا اعلان ڈائیلاگ ہے سنجیدہ نہ لیا جائے۔
دوسری جانب نادرا کی جانب سے گزشتہ 5 سال کے دوران 71 ہزار سے زائد شناختی کارڈز بلاک کئے جانے کا انکشاف ہوا ہے۔
