کراچی، وفاقی تحقیقاتی ادارے (ایف آئی اے) کے سائبر کرائم ونگ کی جانب سے ایم ڈی کیٹ 2024 کے انٹری ٹیسٹ کا پرچہ لیک اور سوشل میڈیا پر وائرل کرنے کے الزام میں 15 افراد کیخلاف مقدمے کا اندراج کرلیا گیا۔
میڈیکل کالج ایڈمیشن ٹیسٹ 2024 کے انٹری ٹیسٹ کا پرچہ لیک ہونے پر ہیومن رائٹس اینڈ ڈیفینڈر آرگنائزیشن کے ممبر بورڈ آف ڈائریکٹرز کی جانب سے ایف آئی اے سائبر کرائم ونگ میں درخواست دی گئی تھی۔
انکوائری افسر انسپکٹر ارفع سعید کی جانب سے پیکا ایکٹ 2016 کی سیکشن 3 ،4 ،13، 14 اور 20 سمیت دیگر دفعات کے تحت مقدمہ درج کرلیا گیا۔
ایس ایچ او سائبر کرائم ونگ اشرف جان کا کہنا ہے کہ مقدمے میں کنٹرولر اور ڈپٹی کنٹرولر امتحانات سمیت 15 افراد کو نامزد کیا گیا ہے جب کہ 3 ملزمان طارق عزیز سومرو، بلال شیرازی اور 1 نامعلوم کو حراست میں بھی لیا گیا ہے۔
دوسری جانب پشاور ہائیکورٹ نے 5 جوڈیشل افسران کے تبادلوں اور تعیناتیوں کا اعلامیہ جاری کر دیا۔
اعلامیہ کے مطابق ایڈیشنل ڈسٹرکٹ اینڈ سیشن جج عبد الباسط کا تبادلہ اورکزئی سے سوات کر دیا گیا جبکہ ایڈیشنل ڈسٹرکٹ اینڈ سیشن جج محمد ساجد کا جنوبی وزیر ستان سے لوئر تبادلہ کیا گیا ہے۔
