31
اسلام آباد، وفاقی وزیر داخلہ محسن نقوی اور بانی پی ٹی آئی پارلیمنٹرین پرویز خٹک نے ملکی ترقی میں رکاوٹ ڈالنے والوں سے سختی سے نمٹنے کے عزم کا اعادہ کیا ہے۔
وزیر داخلہ محسن نقوی سے بانی پی ٹی آئی پارلیمنٹرین پرویز خٹک نے ملاقات کی جس میں باہمی دلچسپی کے امور، ملک کی مجموعی صورتحال اور سیاسی امور پر تبادلہ خیال کیا گیا، پختونخوا میں امن و امان کے قیام کے حوالے سے اقدامات پر بھی گفتگو ہوئی۔
ملاقات کے دوران دونوں رہنماؤں نے پاکستان کی ترقی میں رکاوٹیں ڈالنے والے عناصر کا ڈٹ کر مقابلہ کرنے کے عزم کا اعادہ کیا۔
اس موقع پر بانی پی ٹی آئی پارلیمنٹرین پرویز خٹک نے وفاقی دارالحکومت اسلام آباد میں احتجاج کے دوران شر پسندوں کے حملے میں شہید پولیس اور رینجرز اہلکاروں کی شہادت پر گہرے دکھ اور افسوس کا اظہار کیا۔
محسن نقوی کا کہنا ہے کہ پاکستان ہم سب کا ہے اور سب نے مل کر اسے آگے لے کر جانا ہے، عوام صرف اپنے مسائل کا حل چاہتے ہیں، ہمارے ملک کا مستقبل تابناک ہے، دنیا کی کوئی طاقت ترقی نہیں روک سکتی۔
