لاہور، وزیر اطلاعات پنجاب عظمیٰ بخاری نے کہا ہے کہ سولر پینل سکیم وزیراعلیٰ کا فلیگ شپ پروگرام ہے۔
اپنے ایک بیان میں عظمیٰ بخاری نے کہا کہ پنجاب کیلئے بہت ساری اچھی خبریں ہیں، وزیراعلیٰ پختونخوا کے دورے میں 3،2 چیزیں اہم تھیں، اسموگ سے ہم سب لڑ رہے ہیں، اسموگ سے صوبائی دارالحکومت لاہور، پشاور، کراچی سمیت پورا پاکستان متاثر ہے، وزیراعلیٰ مریم نواز شریف اسموگ کے حل کیلئے چائنہ کے ساتھ کام کرنا چاہتی تھیں۔
عظمیٰ بخاری کا کہنا تھا کہ کوڑے سے کس طرح بجلی بنائی جا سکتی ہے، کیسے استعمال میں لایا جا سکتا ہے، مریم نواز شریف نے یہ بھی دیکھا، سولر پروگرام کو آگے لے جانے کیلئے دنیا کی بڑی کمپنیوں سے بات چیت ہوگی۔
صوبائی وزیر اطلاعات کا کہنا تھا کہ پنجاب کیلئے ایک انویسٹمنٹ کانفرنس شروع ہونے جا رہی ہے، کانفرنس میں دنیا کی بڑی بڑی کمپنیز شریک ہوں گی۔
عظمیٰ بخاری کہنا تھا کہ پنجاب میں انڈسٹری سے متعلق بڑے اقدامات ہونے جا رہے ہیں، ہم 3 بہت بڑے ایم او یوز بینک آف پنجاب کیساتھ سائن کرنے جا رہے ہیں، انویسٹمنٹ کانفرنس سے بہت ساری فیلڈ میں بڑی کمپنیاں سرمایہ کاری کریں گی۔
دوسری جانب وزیر دفاع خواجہ آصف کا کہنا ہے کہ مذاکرات اچھی بات ہے مگر عمران خان دن میں کئی رنگ بدلتے ہیں اُن کی گارنٹی کون دیگا؟
