گوگل نے 2024 کے لیے پاکستان میں سب سے زیادہ سرچ کی جانے والی شخصیات کی فہرست جاری کر دی ہے۔
گوگل نے 2024 کے دوران پاکستان میں سب سے زیادہ سرچ کی جانے والی شخصیات اور موضوعات کی فہرست جاری کر دی ہے، جو 6 مختلف کیٹیگریز پر مشتمل ہے: کرکٹ، ہاؤ ٹو، ریسیپی، موویز اور ڈرامہ، ٹیکنالوجی، اور شخصیات۔
سب سے زیادہ سرچ کی جانے والی شخصیت
اس سال پاکستان میں سب سے زیادہ سرچ کی جانے والی شخصیت ایرانی نژاد فرانسیسی فوٹوگرافر عباس عطار تھے۔ گوگل ٹرینڈز کے مطابق، مارچ 2024 کے اختتام پر ان کے بارے میں سرچز میں نمایاں اضافہ ہوا، جس کی ممکنہ وجہ ان کے نام سے گوگل کا خصوصی ڈوڈل ہو سکتا ہے۔
گوگل کے بیان کے مطابق، یہ فہرست کھربوں سرچز کے تجزیے اور سال بھر کے ٹرینڈز کو مدنظر رکھ کر تیار کی گئی ہے۔ 2024 کے دوران پاکستانی عوام نے منفرد شخصیات اور موضوعات میں دلچسپی کا مظاہرہ کیا، جو ان کے بدلتے رجحانات کی عکاسی کرتا ہے۔
یہ فہرست نہ صرف عوامی دلچسپی کو ظاہر کرتی ہے بلکہ یہ بھی بتاتی ہے کہ مختلف عالمی اور قومی واقعات لوگوں کی سرچ عادات پر کیسے اثرانداز ہوتے ہیں۔
درج ذیل میں اس سال پاکستان میں سب سے زیادہ سرچ کی جانے والی شخصیات کے نام جانیں۔
عباس عطار
عباس عطار کے لیے جاری کیا گیا ڈوڈل / فوٹو بشکریہ گوگل
Etel Adnan (لبنانی نژاد امریکی شاعرہ)
Etel Adnan / فوٹو بشکریہ Galerie Lelong
ارشد ندیم
ارشد ندیم نے پیرس اولمپکس میں پاکستان کے لیے طلائی تمغہ جیتا تھا / فائل فوٹو
ثنا جاوید
ثنا جاوید شعیب ملک سے شادی کے باعث گوگل پر زیادہ سرچ کی گئیں / سوشل میڈیا فوٹوز
ساجد خان
کرکٹر ساجد خان انگلینڈ کے خلاف سیریز میں اپنی کارکردگی کے باعث لوگوں کی توجہ کا مرکز بنے / فائل فوٹو
شعیب ملک
شعیب ملک ثانیہ مرزا سے طلاق اور ثنا جاوید سے شادی کے باعث لوگوں کی توجہ کا مرکز بنے رہے / فائل فوٹوز
حریم شاہ
حریم شاہ 2023 میں سب سے زیادہ سرچ کی جانے والی شخصیت تھی جو 2024 میں 7 ویں نمبر پر پہنچ گئیں / فائل فوٹو
مناہل ملک
مناہل ملک سوشل میڈیا اسٹار ہیں / سوشل میڈیا فوٹو
زویا ناصر
اداکارہ زویا ناصر / اسکرین شاٹ
مکیش امبانی
مکیش امبانی ایشیا کے امیر ترین شخص ہیں / رائٹرز فوٹو
