ملتان، چیئرمین سینیٹ سید یوسف رضا گیلانی کا کہنا ہے کہ انصاف میں تاخیر انصاف سے انکار کے مترادف ہے۔
ملتان میں جامعہ زکریا میں تقریب سے خطاب کے دوران چیئرمین سینیٹ سید یوسف رضا گیلانی نے کہا کہ اس تقریب میں آنا باعث اعزاز ہے، آرٹیفیشل انٹیلی جنس ہر شعبے پر اثر انداز ہو رہی ہے، دیکھنا ہوگا ٹیکنالوجی کس طرح انصاف کے حصول میں معاون ثابت ہوسکتی ہے۔
سید یوسف رضا گیلانی کا کہنا تھا کہ اے آئی صرف آئیڈیا نہیں حقیقت ہے، قوانین معاشرے میں انصاف کے حصول کے لئے اہم ہوتے ہیں، ملک میں انصاف کا حصول بہت مشکل ہے، ہمارے ہاں کیسز کئی کئی سال التواء کا شکار رہتے ہیں، انصاف میں تاخیر انصاف سے انکار ہوتا ہے۔
یوسف رضا گیلانی نے کہا کہ اے آئی کے استعمال سے انصاف بروقت میسر آسکتا ہے، اے آئی کے استعمال کے آغاز میں مشکلات ہوسکتی ہیں، آرٹیفیشل انٹیلی جنس سے عالمی سطح پر اثرات مرتب ہو رہے ہیں۔
دوسری جانب وزیر اعظم شہباز شریف کا کہنا ہے کہ ملک کے خلاف سازش کرنے والوں کو کسی صورت نہیں چھوڑا جائے گا۔
