36
قلعہ عبداللہ، سڑک پر چلتی موٹر سائیکل میں دھماکے سے 2 مبینہ دہشتگرد ہلاک ہوگئے۔
پولیس کا کہنا ہے کہ یہ واقعہ قلعہ عبداللہ میں قومی شاہراہ پر پیش آیا جہاں چلتی موٹر سائیکل میں زور دار دھماکا ہوا۔
ڈی پی او کے مطابق مبینہ دہشتگرد اپنے ہدف کے قریب دھماکا کرنا چاہتے تھے لیکن بم راستے میں ہی پھٹ گیا۔
ڈی پی او نے کہا کہ دھماکا ہونے سے 2 دہشتگرد ہلاک ہوگئے جن کے پاس سے 1 پستول بھی برآمد کیا گیا ہے۔
دوسری جانب رہنما پاکستان تحریک انصاف رؤف حسن نے اسٹیبلشمنٹ کے ساتھ رابطے کی تصدیق کرتے ہوئے کہا ہے کہ ہماری بات چیت جاری ہے، امید ہے یہ گفتگو آگے بڑھے گی۔
ایک انٹرویو میں رؤف حسن کا کہنا تھا کہ موجودہ حکومت چوری کی حکومت ہے، ان کے پاس ہمیں دینے کو کچھ ہے ہی نہیں، اگر مذاکرات کو بامعنی اور بامقصد بنانا ہے تو ان لوگوں سے مذاکرات ہونے چاہئیں جن کے پاس طاقت ہے۔
