بشار الاسد نے ترکیہ کی مذاکرات کی پیشکش کو رد کر دیا تھا، طیب اردوان

تازہ ترین خبروں اور تبصروں کیلئے ہمارا وٹس ایپ چینل جوائن کریں

ترکی، صدر رجب طیب اردوان کا کہنا ہے کہ شامی صدر بشارالاسد اور ان کی حکومت نے ترکیہ کی مذاکرات کی پیشکش کو رد کر دیا تھا، بشار الاسد شام کو تباہ و برباد چھوڑ کر خود فرار ہو گئے۔

شام کی حالیہ صورتحال پر بیان میں صدر اردوان کا کہنا ہے کہ شام کے تمام عقائد و اقدار کے لوگ ہمارے بھائی ہیں، یقین ہے شام میں تبدیلی کی ہوا شامی عوام کیلئے سود مند ثابت ہوگی۔

latest urdu news

طیب اردوان کا کہنا تھا کہ ترکیہ کسی دوسرے ملک کی زمین یا خود مختاری پر نظر نہیں رکھتا، سرحد پار آپریشن کرنے کا واحد مقصد ترکیہ کو دہشتگردی سے بچانا ہوتا ہے۔

ترک صدر نے کہا کہ ترکیہ اپنی سرحدوں پر نئے دہشتگرد عناصر کو اُبھرنے نہیں دے گا۔

طیب اردوان کا کہنا تھا کہ شامی عوام ہی شام کے مستقبل کا فیصلہ کریں گے، ترکیہ شام کی تعمیر نو میں شامی عوام کی مدد کرے گا۔

صدر اردوان کے مطابق ظالموں کے آگے سر نہ جھکانے پر شام کے بہادر لوگوں کو یاد رکھا جائے گا۔

latest breaking news in urdu

شیئر کریں:
frontpage hit counter