لاہور، وزیر اطلاعات پنجاب عظمیٰ بخاری کا کہنا ہے کہ وزیراعلیٰ مریم نواز پنجاب کی تقدیر بدلنے جا رہی ہیں۔
اپنے ایک بیان میں عظمیٰ بخاری نے کہا کہ وزیراعلیٰ مریم نواز دورہ چین کے دوران تاریخی معاہدے کر رہی ہیں، مریم نواز نے کینسر کے جدید ترین علاج کا معاہدہ کیا ہے، صوبہ پنجاب میں زراعت کے شعبے میں جدت لانے کیلئے بھی معاہدہ ہوچکا ہے۔
عظمیٰ بخاری کا کہنا تھا کہ وزیراعلیٰ مریم نواز اللہ کی مدد سے صوبے کی قسمت بدل رہی ہیں، مخالفین احتجاج، جلسے اور دھرنوں کی سیاست سے باہر نہیں نکل رہے، ایک صوبے میں جس جماعت کی 11 سال سے حکومت ہے وہاں صرف مولا جٹ کی سیریل چل رہی ہے، سول نافرمانی کی تحریک چلانے والے کو پہلے بھی منہ کی کھانی پڑی تھی۔
صوبائی وزیر نے کہا کہ جب بھی ملک ٹریک پر آتا کوئی فتنہ رخنہ ڈالنے نکل پڑتا ہے۔
پاکستان اب کسی فتنے کا متحمل نہیں قوم کی مدد سے ہر فتنے کو کچل دیا جائے گا، جنہوں نے انقلاب لانا تھا وہ اب آپس میں گتھم گتھا ہو رہے ہیں۔
عظمیٰ بخاری کا کہنا تھا کہ نند بھاوج کی لڑائی نے فتنہ پارٹی کے 5 گروپ بنا دیئے ہیں۔
