لاہور، وزیر اعلیٰ پنجاب مریم نواز شریف نے کہا کہ انسانی حقوق کا تحفظ اور فروغ ن لیگ کا ویژن ہے۔
انسانی حقوق کے عالمی دن پر اپنے پیغام میں وزیراعلیٰ پنجاب مریم نواز نے کہا کہ ہر انسان رنگ، نسل، مذہب، جنس یا حیثیت سے بالاتر انسانی حقوق رکھتا ہے، دین اسلام انسانی حقوق کا سب سے بڑا داعی ہے، انسانی حقوق کا احترام معاشرے کی ترقی اور خوشحالی کا سنگِ بنیاد ہے۔
وزیراعلیٰ مریم نواز کا کہنا تھا کہ انسانی حقوق کا تحفظ اور فروغ مسلم لیگ (ن) کا ویژن اور اولین ترجیح ہے، تعلیم، صحت، مذہبی آزادی، اظہارِ رائے اور بنیادی ضروریات تک رسائی یقینی بنا رہے ہیں، حکومت پنجاب انسانی حقوق کی پاسداری کیلئے سرگرم ہے۔
وزیراعلیٰ نے کہا کہ ایسے معاشرے کی تشکیل چاہتے ہیں جہاں ہر شہری کو برابر کے مواقع، انصاف اور عزت حاصل ہو، انسانی حقوق کے تحفظ کیلئے معاشرے میں محبت اور رواداری کو فروغ دیں یہی راستہ خوشحالی کی طرف جاتا ہے۔
دوسری جانب چیئرمین پی ٹی آئی بیرسٹر گوہر علی خان نے کہا کہ پی ٹی آئی 2019 کے مدارس رجسٹریشن معاہدے پر آج بھی قائم ہے۔
