51
واشنگٹن، امریکہ کے نومنتخب صدر ڈونلڈ ٹرمپ کی جانب سے امریکی شہریت کا پیدائشی حق ختم کرنے کا اعلان کر دیا گیا۔
غیر ملکی میڈیا کے مطابق امریکہ کے نومنتخب صدر ڈونلڈ ٹرمپ نے واضح کیا ہے کہ وہ 20 جنوری کو عہدہ سنبھالنے کے بعد قانون میں وسیع پیمانے پر تبدیلیاں کریں گے، جن میں پیدائشی امریکی شہریت کا خاتمہ بھی شامل ہے۔
ڈونلڈ ٹرمپ کا کہنا تھا کہ امریکہ میں موجود تمام غیر قانونی تارکین وطن کو ملک بدر کرنے اور پیدائشی شہریت ختم کرنے سمیت انتخابی مہم میں کیے گئے تمام وعدوں کو فوری پورا کرنا ہوگا۔
امریکی صدر کا کہنا تھا کہ ہم امریکی آئین میں درج پیدائشی شہریت کو ختم کریں گے، اگر ہم انتظامی کارروائی کے ذریعے ایسا کرسکتے ہیں تو اس پر جلد عمل کریں گے۔
ڈونلڈ ٹرمپ سے سوال پوچھا گیا کہ کیا وہ اپنی مدت کے دوران اگلے 4 سالوں میں غیرقانونی طور پر مقیم افراد کو ملک بدر کرنے کا ارادہ رکھتے ہیں، تو ڈونلڈ ٹرمپ نے جواب دیا کہ ایسا کرنا پڑے گا۔
