لاہور ہائیکورٹ کی جانب سے سزائے موت کے 3 ملزمان کی اپیلیں منظور کر کے بری کرنے کا حکم دے دیا گیا۔
جسٹس لاہور ہائیکورٹ طارق ندیم کی سربراہی میں 2 رکنی بنچ کی جانب سے اپیلوں پر سماعت کی گئی، ملزمان کی جانب سے عثمان نسیم ایڈووکیٹ نے دلائل دیے۔
اپیل کنندگان کے وکیل نے کہا کہ ملزمان کی شناخت پریڈ قانون کے مطابق نہیں کروائی گئی، دلائل سننے کے بعد عدالت نے تینوں ملزمان شفیق، الیاس اور عالم شیر کو مقدمہ سے بری کرنے کا حکم دے دیا۔
یاد رہے کہ ملزمان پر شہری اظہر رشید کو قتل کرنے کا الزام تھا، سیشن کورٹ اوکاڑہ کی جانب سے 2021 میں تینوں ملزمان کو سزائے موت کا حکم دیا گیا تھا۔
اوکاڑہ پولیس نے 2014 میں ملزمان کیخلاف ڈکیتی مزاحمت کا مقدمہ درج کیا تھا۔
دوسری جانب سیکرٹری بینظیر انکم سپورٹ پروگرام نے صارفین کے بینک اکاؤنٹس کھولنے کا اعلان کردیا۔
چیئرمین میر غلام علی کی زیر صدارت قومی اسمبلی کی تخفیف غربت کمیٹی کا اجلاس ہوا ،جس میں بینظیر انکم سپورٹ پروگرام کے حوالے سے معاملات پر بحث کی گئی۔
