35
وزیر دفاع خواجہ آصف کا کہنا ہے کہ 9 مئی اور 26 نومبر کو بغاوتیں کی گئیں، اِن کا احتساب نہ ہوا تو مستقبل کیلئے ایک دروازہ کھل جائے گا۔
نجی ٹی وی چینل کے پروگرام میں گفتگو کے دوران خواجہ آصف نے بتایا کہ اس متعلق احتساب کا فریم ورک تیار ہے اور اُسے مزید بہتر بھی کرلیا جائے گا۔
وزیر دفاع کا کہنا تھا کہ عمران خان کو کیا تحقیقات کرانی ہیں؟ سارے ثبوت اور اعترافات تو موجود ہیں۔
خواجہ آصف نے کہا کہ سپریم کورٹ کے سینئر ججز کا ذکر کرکے عمران خان وہی عدالتی سرپرستی چاہتے ہیں جو انہیں 9 مئی کے بعد ملی تھی اور جانبدار عدلیہ ان کی پشت پر کھڑی تھی ورنہ 9 مئی کا قصہ بہت پہلے تمام ہو چکا ہوتا۔
وفاقی وزیر دفاع نے کہا کہ سینئر ترین ججز وہی ہیں جنہیں حال ہی میں ایک شکایت ہوئی ہے اور انہوں نے خط لکھا ہے۔
خواجہ آصف نے چیلنج دیتے ہوئے کہا کہ عمرا ن خان ترسیلات زر روکنے کی کال دینا چاہتے ہیں، ضرور دیں یہ ناکام ہوگی۔
