150
پرتگال کے اسٹار فٹبالر کرسٹیانو رونالڈو کو ایک مداح نے ہرا کر 1 ملین ڈالر کا انعام جیت لیا۔
پرتگال کے مشہور فٹبالر کرسٹیانو رونالڈو نے یوٹیوبر مسٹر بیسٹ کے چینل پر ایک دلچسپ چیلنج میں حصہ لیا، جس میں ان کے مدِمقابل ایک مداح تھا۔ اس چیلنج میں 1 ملین ڈالر کا انعام رکھا گیا تھا۔
چیلنج کے تحت پینلٹی ایریا سے گول پوسٹ پر تین اہداف کو نشانہ بنانا تھا۔ حیرت انگیز طور پر پہلی کوشش میں دونوں ہی کچھ نہ کر سکے۔ تاہم، خلیل نامی مداح نے اپنی دوسری اور چوتھی باری میں ٹارگٹ کو بآسانی ہٹ کر لیا، جبکہ رونالڈو تینوں بار نشانہ لگانے میں ناکام رہے۔
چیلنج کے آغاز پر خلیل نے اپنی جیت کے چانسز کو 50/50 قرار دیا تھا، لیکن ان کی مہارت نے انہیں چیلنج کا فاتح بنا دیا، اور وہ 1 ملین ڈالر کا انعام لے اڑے۔
یہ ویڈیو یوٹیوب پر زبردست مقبولیت حاصل کر رہی ہے اور اب تک اسے 8.5 کروڑ ویوز مل چکے ہیں، جو اس چیلنج کی غیرمعمولی دلچسپی کو ظاہر کرتا ہے۔
