12
وزیر توانائی اویس لغاری کا کہنا ہے کہ آئی پی پیز سے نظرثانی معاہدوں کے بعد بجلی مزید 5 روپے فی یونٹ سستی ہوگی ۔
ایف پی سی سی آئی کو بجلی سہولت پیکج پر بریفنگ دیتے ہوئے وزیر توانائی کا کہنا تھا کہ حکومت معاہدوں پر قائم ہیں لیکن آئی پی پیز کی مشاورت سے معاہدوں میں تبدیلی کرینگے۔
ان کا مزید کہنا تھاکہ 5 آئی پی پیز سے معاہدے ختم ہو چکے جبکہ 11 سے بات چیت جاری ہے۔
حکومت کی جانب سے آئی پی پیز کو آگاہ کیا گیا ہے کہ جب اتنی مہنگی بجلی پیدا کریں گے تو پھر کون لے گا؟
وزیر توانائی کا کہنا تھا کہ وزیراعظم شہباز شریف نے اقتدار سنبھالتے ہی کہا تھا کہ معیشت کا دارومدار پاور سیکٹر پر ہے ۔
