حکومت اور ٹی ٹی پی کے درمیان کوئی مذاکرات نہیں ہو رہے

ترجمان دفتر خارجہ کا کہنا ہے کہ حکومت اور کالعدم تحریک طالبان پاکستان کے درمیان کوئی مذاکرات نہیں ہو رہے۔

ترجمان دفتر خارجہ ممتاز زہرہ بلوچ کی جانب سے ہفتہ وار بریفنگ میں یہ بتایا گیا کہ حکومت کئی مواقع پر کہہ چکی ہے کہ ٹی ٹی پی کیساتھ مذاکرات ہزاروں متاثرہ خاندانوں کے خلاف ہے۔

یہ بھی پڑھیں

ترجمان دفتر خارجہ نے کہا کہ بیلاروس کے صدر کے دورے کے دوران دونوں ملکوں کے درمیا ن مختلف شعبوں میں تعاون کی یادداشتوں اور معاہدوں پر دستخط ہوئے۔

ممتاز زہرا بلوچ کا کہنا تھا کہ اسپیکر قومی اسمبلی سردار ایاز صادق روسی اسپیکر کے دعوت نامے پر روس کا دورہ کر رہے ہیں، دورے میں مفاہمتی یادداشت پر بھی دستخط کیے جائیں گے۔

ترجمان دفتر خارجہ نے کہا کہ پاکستان فلسطین میں جاری اسرائیلی بربریت کی مذمت کرتا ہے، بین الاقوامی برادری فلسطینیوں کی نسل کشی کو روکنے کے لیے فوری اقدامات کرے۔