انٹرنیشنل کرکٹ کونسل نے ون ڈے، ٹی 20 اور ٹیسٹ بیٹرز کی نئی رینکنگ جاری کردی۔
نئی جاری کردہ ون ڈے بیٹرز کی رینکنگ میں پاکستانی بلے باز بابراعظم پہلی، بھارت کے روہت شرما دوسری اور شبمن گل تیسری پوزیشن پر برقرار ہیں۔ جبکہ صائم ایوب ون ڈے بیٹرز کی رینکنگ میں ٹاپ ہنڈرڈ کھلاڑیوں میں شامل ہو گئے ہیں۔
آئی سی سی رینکنگ کے مطابق ون ڈے بولرز کی رینکنگ میں شاہین آفریدی تنزلی کے بعد پہلی پوزیشن سے دوسرے نمبر پر جبکہ راشد خان ایک درجہ بہتری کے بعد پہلے نمبر پر پہنچ گئے ہیں۔
اسی طرح ٹیسٹ بیٹرز کی رینکنگ میں انگلینڈ کے جو روٹ کا پہلا نمبر ہے جبکہ بھارت کے یشسوی جیسوال 2 درجے ترقی کے بعد دوسرے نمبر پر آ گئے ہیں۔
ٹیسٹ بیٹرز کی رینکنگ میں انگلینڈ کے کین ولیمسن کا تیسرا نمبر ہے۔ جبکہ پاکستانی بلے باز سعود شکیل ایک درجہ بہتری کے بعد 8 ویں نمبر پر پہنچ گئے ہیں۔
ٹیسٹ بولرز کی رینکنگ میں بھارتی بھارت جسپریت بھمرا پہلے نمبر پر براجمان ہو گئے ہیں۔
اسی طرح ٹی 20 بیٹرز کی رینکنگ میں آسٹریلیا کے ٹریوس ہیڈ کا پہلا، انگلینڈ کے فل سالٹ کا دوسرا اور بھارت کے تلک ورما کا تیسرا نمبر ہے۔
جبکہ ٹی 20 بولرز کی رینکنگ میں انگلینڈ کے عادل رشید پہلا، سری لنکا کے ونندیو ہرسنگا دوسرےاور آسٹریلیا کے ایڈم زمپا تیسرے نمبر پر ہیں۔
