27
سپریم کورٹ کے آئینی بینچ نے تحریک انصاف کے احتجاج کے دوران کارکنوں کی ہلاکتوں پر ازخود نوٹس لینے کی استدعا مسترد کر دی۔
سپریم کورٹ میں موسمیاتی تبدیلی اتھارٹی سے متعلق کیس کی سماعت ہوئی۔ ایڈیشنل ایڈووکیٹ جنرل خیبر پختونخوا نے ویڈیو لنک پر پیش ہو کر حاضری مکمل کروائی۔
دوران سماعت انہوں نے موقع اختیار کیا کہ گزشتہ روز احتجاج کے دوران دونوں اطراف سے ہلاکتیں ہوئیں آئینی بینچ ان واقعات پر ازخود نوٹس لے۔
جس پر جسٹس مسرت ہلالی کا کہنا تھا کہ آپ سپریم کورٹ میں پیش ہو کر سیاسی باتیں نہ کریں۔
آئینی بینچ کے سربراہ جسٹس امین الدین خان کا کہنا تھا کہ جو معاملہ ہمارے سامنے ہے نہیں، اسے کیسے دیکھ سکتے ہیں؟
جسٹس جمال خان مندوخیل نے ریمارکس دئیے کہ یہ معاملہ ہمارے سامنے نہیں ہوا اس پر بات نہیں کرنا چاہتے۔
بعدازاں آئینی بینچ نے ایڈیشنل ایڈووکیٹ خیبر پختونخوا کی زبانی ازخود نوٹس کی استدعا مسترد کر دی۔
