29
راولپنڈی، شہر میں تعلیمی ادارے کل بھی بند رکھنے کا فیصلہ کیا گیا ہے۔
ڈپٹی کمشنر راولپنڈی حسن وقار چیمہ نے اس متعلق کہا کہ تعلیمی ادارے بند رکھنے کا فیصلہ شہر میں امن و امان کی صورت حال کو مدنظر رکھتے ہوئے کیا گیا ہے۔ ڈی سی راولپنڈی نے کہا کہ فیصلہ ڈسڑکٹ انٹیلی جنس کمیٹی کی سفارشات پر کیا گیا۔
دوسری جانب سینئر صوبائی وزیر مریم اورنگزیب کا کہنا ہے کہ تعلیمی نصاب میں اسموگ کو شامل کیا ہے۔
مریم اورنگزیب اور ایشیائی ترقیاتی بینک کے وفد کی ملاقات ہوئی، جس میں اسموگ کے خاتمے کے حوالے سے مختلف اقدامات پر گفتگو کی گئی۔
صوبائی وزیر کا کہنا ہے کہ اسموگ ایک رات میں ختم نہیں ہوسکتی کم از کم 10 سال لگیں گے، ورلڈ بینک کے تعاون سے ای میس ٹرانزٹ پروگرام پر کام کر رہے ہیں۔
