اسسٹنٹ کمشنر کھاریاں زوہیب ممتاز گوندل نے لالہ موسیٰ ٹراما سینٹر کا دورہ کیا۔
اسسٹنٹ کمشنر کھاریاں زوہیب ممتاز نے لالہ موسیٰ ٹراما سینٹر کا دورہ کرتے ہوئے دستیاب سہولیات کا تفصیلی جائزہ لیا۔ دورے کے دوران تمام اسٹاف اپنی ڈیوٹی پر موجود پایا گیا، جبکہ اسپتال میں ادویات وافر مقدار میں دستیاب تھیں۔
زوہیب ممتاز گوندل کی جانب سے صفائی ستھرائی کی صورتحال کو تسلی بخش قرار دیا گیا، اور تمام الیکٹریکل آلات بشمول طبی مشینری مکمل طور پر فعال پائے گئے۔
مزید برآں، مریضوں اور ان کے لواحقین سے بھی بات چیت کی گئی، جنہوں نے اسپتال اسٹاف کے تعاون اور رویے پر اطمینان کا اظہار کیا۔
اسسٹنٹ کمشنر نے عملے کی کارکردگی کو سراہتے ہوئے ان پر زور دیا کہ وہ مریضوں کو مزید بہتر سہولیات فراہم کریں اور صفائی کے معیار کو برقرار رکھیں۔
دوسری جانب عابد رضا کوٹلہ کا کہنا ہے کہ تختی مافیا گینگ نے قینچیاں پکڑ رکھی ہیں اور ضلع گجرات کو اکھاڑ پچھاڑ کر اپنا رانجھا راضی کر رہے ہیں۔
پاکستان مسلم لیگ (ن) کے مرکزی رہنما چوہدری عابد رضا کوٹلہ کا کہنا ہے کہ تحریک انصاف کے منحرف رکن اور جھوٹے حلف دینے والے الیاس چوہدری بھی 08 فروری سے فارم 47 مافیا کا حصہ تھا۔
