26
طلب میں کمی کی وجہ سے ملک میں سولر پینلز اور بیٹریوں کی قیمتوں میں ریکارڈ کمی دیکھنے میں آئی ہے۔
پاکستان میں سولر پینل کی قیمتوں میں غیر معمولی کمی کے باعث سولر بیٹری کی قیمتوں میں قابل ذکر کمی سامنے آئی ہے۔ سولر بیٹری کی قیمت 20 فیصد تک کم ہونے کے بعد ساڑھے 4 لاکھ روپے والی لیتھیم سولر بیٹری اب 3 لاکھ 80 ہزار روپے میں دستیاب ہے۔
مارکیٹ ذرائع کا کہنا ہے کہ جو بیٹری 3 یا 4 لاکھ روپے میں فروخت ہو رہی تھی، اس کی قیمت اب 2 سے ڈھائی لاکھ روپے ہو گئی ہے، کیونکہ لیتھیم بیٹریوں کی انڈسٹری میں نئی کمپنیاں آگئی ہیں اور وہ آفرز بھی اچھی دے رہی ہیں۔
تاجروں کا کہنا ہے کہ سولر پینلز سمیت سولر بیٹریوں کی خرید و فروخت شدید متاثر ہوئی ہے جس کے سبب سولر مصنوعات کی قیمتوں میں تاریخی کمی واقع ہوئی ہے۔
