مشہور گیم پب جی کھیلنے کے دوران امریکی لڑکی کو پاکستانی لڑکے سے شدید محبت ہوگئی، دھیرے دھیرے یہ محبت شادی میں بدل گئی۔
غیر ملکی میڈیا کے مطابق 18 سالہ فلورز سارہ اور چترال کے 23 سالہ شہاد حسین 3 سال پہلے پب جی گیم پر ملے تھے اور آہستہ آہستہ دوستی ہوگئی جو وقت کے ساتھ ساتھ پیار میں بدل گئی۔
غیر ملکی میڈیا رپورٹ کے مطابق شہاد حسین کا تعلق چترال کے علاقے مروئی سے ہے جبکہ فلورز سارہ اپنی والدہ کے ساتھ رواں ہفتے ہی لوئر دیر پہنچی تھیں جہاں ایک نجی ہوٹل میں فلورز سارہ اور شہاد حسین کی شادی دھوم دھام سے انجام پائی۔
غیر ملکی میڈیا کا کہنا ہے کہ فلورز سارہ اور شہاد حسین کی شادی روایتی انداز میں طے پائی جس میں دُلہن کو بھی روایتی انداز سے تیار کیا گیا، فلورز اور شہاد کی شادی میں ان کے گاؤں سمیت دور دراز علاقوں سے آئے مہمانوں نے بھی شرکت کی۔
نکاح شاہی مسجد چترال کے خطیب مولانا خلیق الزمان کی جانب سے پڑھایا گیا، جنہوں نے بتایا کہ ’امریکی لڑکی کی رضا مندی اور ان کی والدہ کی موجودگی میں نکاح پڑھایا گیا، لڑکی کا نام سارہ تھا جو کہ اسلامی نام ہے، اس لیے تبدیل نہیں کیا گیا۔
