27
بنوں میں سکیورٹی فورسز کی مشترکہ چیک پوسٹ پر دہشتگردوں کے حملے کے دوران 12 اہلکار شہید ہو گئے۔
آئی ایس پی آر کے مطابق بنوں کے علاقے میں مشترکہ چیک پوسٹ پر خوارج کی جانب سے حملے کی کوشش کی گئی، دہشتگردوں کے ساتھ ہونیوالے فائرنگ کے تبادلے میں 6 خوارج کو ہلاک کر دیا گیا جبکہ خوارج کے خود کش حملے میں 12 سکیورٹی اہلکار شہید ہو گئے۔
آئی ایس پی آر کے مطابق شہید ہونے والوں میں سکیورٹی فورسز کے 10 اہلکار اور 2 فرنٹیئر کانسٹیبلری کے اہلکار شامل ہیں۔
پاک فوج کے شعبہ تعلقات عامہ کے مطابق سکیورٹی اہلکاروں نے خوارج کی چیک پوسٹ میں داخل ہونے کی کوشش ناکام بنائی۔
چیک پوسٹ میں داخل ہونے کی کوشش ناکام ہونے پر خوارج نے بارود سے بھری گاڑی پوسٹ کی دیوار سے ٹکرا دی، خود کش دھماکے سے چیک پوسٹ کی دیوار کا ایک حصہ گر گیا۔
خوراج کے خود کش دھماکے سے ملحقہ انفرا اسٹرکچر کو بھی نقصان پہنچا جس سے 12 شہادتیں ہوئیں۔
