25
بنوں، گزشتہ شب اغوا ہونیوالے تمام اہلکاروں کو بازیاب کرالیا گیا۔
نجی ٹی وی چینل کے مطابق ڈی پی او بنوں کی جانب سے تمام مغوی اہلکاروں کی بازیابی کی تصدیق کرتے ہوئے یہ کہا گیا کہ علاقہ عمائدین اور پولیس کی مشترکہ کوششوں سے یہ کامیابی ملی ہے۔
ڈی پی او کا کہنا ہے کہ گزشتہ روز بنوں کے دور افتادہ پہاڑی علاقے کے سب ڈویژن وزیر میں قائم چیک پوسٹ پر مسلح افراد کی جانب سے دھاوا بولا گیا اور پھر وہ 7 اہلکاروں کو اسلحہ سمیت اغوا کر کے اپنے ساتھ لے گئے۔
ڈی پی او کی جانب سے تصدیق کی گئی کہ بازیاب ہونیوالے تمام 7 اہلکار بحفاظت بنوں پہنچ گئے ہیں۔
دوسری جانب بھائی نے غیرت کے نام پر بہن کو موت کے گھاٹ اتار دیا۔
پولیس کا کہنا ہے کہ مقتولہ 3 بچوں کی ماں تھی جس کا شوہر بیرونِ ملک مقیم ہے۔ پولیس کی جانب سے لاش قبضے میں لے کرمقدمہ درج کر لیا گیا ہے۔ پولیس کے مطابق لاش کا پوسٹ مارٹم بھی کرایا جائے گا۔
