اسلام آباد، پاکستانی شہریوں کو متحدہ عرب امارات کا ویزہ لینے میں مسائل کا سامنا ہے، ویزہ پابندیوں کی وجوہات سامنے آگئیں۔
یو اے ای میں پاکستانی سفیر اور مقامی حکام کے درمیان ملاقات ہوئی، جس میں یو اے ای حکام کی جانب سے ویزوں کی بندش کے حوالے سے پاکستان کے سامنے شکایات کے انبار لگا دیئے۔
اماراتی حکام نے بتایا کہ پاکستانی شہری سیاست اور احتجاجوں میں ملوث ہیں، پاکستانی سوشل میڈیا پر عرب عمارات حکومت کی پالیسیوں پر تنقید کرتے ہیں اور ان کا یو اے ای میں سوشل میڈیا استعمال منفی ہے۔
حکام کے مطابق یو اے ای میں نوکریوں کے خواہشمند بعض پاکستانی امیدوار ڈگریوں کی تصدیق جعلی طریقے سے کراتے ہیں، کچھ پاکستانی شہریوں کی جانب سے جعل سازی سے شناختی کارڈ اور پاسپورٹ میں ردوبدل کیے گئے۔
عماراتی حکام کے مطابق پاکستانی شہریوں کا چوری، دھوکہ دہی، بھیک مانگنے، جسم فروشی اور منشیات میں ملوث ہونے کا تناسب دوسرے ملکوں کی نسبت زیاد ہے اور یہ تمام ڈیٹا کابینہ اجلاس میں پیش کرنے کے بعد پابندی کا فیصلہ کیا گیا۔
