32
خیبر پختونخوا حکومت کی جانب سے پرائمری اسکولوں کے اساتذہ کی اپ گریڈیشن نہ کرنے کا فیصلہ کر لیا گیا۔
محکمہ خزانہ کے ذرائع کے مطابق اساتذہ کی اپ گریڈیشن کا کوئی ٹھوس پلان زیر غور نہیں، اپ گریڈیشن کے بعد تنخواہیں ادا کرنا حکومت کیلئے مسئلہ بن جائیگا۔
ذرائع نے یہ بتایا کہ مالی مشکلات کے باعث محکمہ تعلیم کے بہت سے منصوبے نامکمل ہیں، حکومت کے پاس مفت درسی کتابوں، کمیونٹی اسکولز کے اساتذہ کی تنخواہوں کیلئے فنڈز دستیاب نہیں۔
ذرائع کا کہنا ہے کہ صوبے کی مالی صورتحال بہتر ہونے پر اساتذہ کے مطالبے پر غور کیا جائے گا۔
یاد رہے ہزاروں اساتذہ کی جانب سے پشاور میں 4 دن دھرنا دیا گیا تھا، حکومت کی اپ گریڈیشن کی یقین دہانی کے بعد اساتذہ نے احتجاج ختم کیا تھا۔
