34
پنجاب اسمبلی کا اجلاس آج دوپہر 2 بجے ہوگا جس کا ایجنڈا جاری کر دیا گیا ہے، اجلاس کی صدارت اسپیکر پنجاب اسمبلی ملک محمد احمد خان کریں گے۔
لاہور: پنجاب اسمبلی کا اجلاس آج 13 نومبر کو دوپہر 2 بجے منعقد ہوگا، جس کی صدارت سپیکر ملک محمد احمد خان کریں گے۔ اجلاس کا آغاز تلاوت قرآن پاک، نعت رسول مقبولﷺ اور قومی ترانے سے ہوگا۔ اس دوران اراکین سے اسمبلی کے ایجنڈے پر مختلف موضوعات پر گفتگو ہوگی۔
اجلاس میں وقفہ سوالات کے دوران ہائر ایجوکیشن ڈیپارٹمنٹ سے متعلق سوالات کے جوابات دیے جائیں گے۔ حکومتی بزنس میں سات مختلف آڈٹ رپورٹس پیش کی جائیں گی، جن میں فیصل آباد سٹی ڈسٹرکٹ یونین ایڈمنسٹریشن کی 2016-17 کے آڈٹ سال کی رپورٹ شامل ہے۔
مزید یہ کہ اجلاس میں تحاریک التوائے کار، تحریک استحقاق اور نقطہ اعتراض پر بھی گفتگو کی جائے گی، جو عوامی اور حکومتی مسائل کو حل کرنے کے لیے اہم قرار دی جا رہی ہے۔
