انٹیلی جنس بیسڈ ٹارگٹڈ آپریشن کرکے خطرناک ڈاکو ہلاک کردیاگیا۔
رحیم یار خان، پولیس کی جانب سے کچے کے علاقے میں انٹیلی جنس بیسڈ ٹارگٹڈ آپریشن کرکے خطرناک ڈاکو ہلاک کردیا گیا۔
پولیس کے مطاق ہلاک ڈاکو ہنی ٹریپ کرکے لوگوں کو اغوا کرتا تھا اور اس کا تعلق اندھڑ گینگ سے تھا۔
ترجمان پنجاب پولیس کا کہنا ہے کہ رحیم یار خان میں آپریشن سندھ سے ملحقہ بستی سعید عباسی کے موضع داعوالہ میں کیا گیا، ہلاک ڈاکو کی شناخت مختار عرف ودھایا شیخ کے نام سے ہوئی، اس کے قبضے سے کلاشنکوف اورسینکڑوں گولیاں برآمد ہوئیں۔
پولیس کا کہنا ہے کہ مختار عرف ودھایا ہنی ٹریپ کے ذریعے اغوا برائے تاوان کیس کا مرکزی ملزم تھا، وہ ڈکیتی اور پولیس پر حملوں کی متعدد وارداتوں میں بھی مطلوب تھا۔
دوسری جانب پنجاب کی تحصیل شکرگڑھ میں فون ٹھیک کروانے آئی لڑکی کو دوکاندار کی جانب سے مبینہ طور پر زیادتی کا نشانہ بنا ڈالا گیا۔
پولیس کا کہنا ہے کہ شکرگڑھ میں موبائیل کی دکان پر لڑکی موبائل ٹھیک کروانے گئی تھی جس دوران دوکاندار کی جانب سے لڑکی کو مبینہ طور پر زیادتی کا نشانہ بنایا گیا۔
