51
اسلام آباد، وفاقی حکومت کے زیر انتظام اسپتالوں کو پبلک پرائیویٹ کے تحت چلانے پر غور کیا جا رہا ہے۔
ذرائع کا کہنا ہے کہ اسپتالوں کو سرکاری سے سیمی گورنمنٹ میں تبدیل کرنے کے لیے بھی مشاورت کی جارہی ہے۔ ذرائع کا کہنا ہے کہ حکومت کی نان گزیٹڈ اسٹاف کی کنٹریکٹ پر بھرتی کے لیے مشاورت جاری ہے۔
ذرائع کے مطابق اصلاحات کا مقصد پنشن کی مد میں اخراجات کو کم کرنا ہے، رواں سال پنشن کی مد میں 1 ہزار ارب سے زیادہ خرچ ہوگا، پنشن میں سول ملازمین کا حصہ 220 ارب اور دفاعی شعبے کا 665 ارب روپے ہے۔
ذرائع کا کہنا ہے کہ نئی اسکیم مرکز اور صوبوں میں مقابلے کے امتحان کے ذریعے آنے والوں پر لاگو نہیں ہوگی۔
ذرائع کے مطابق ملازمین کے لیے اصلاحات پر عالمی مالیاتی اداروں سے مشاورت کی جاچکی ہے، اصلاحات پر عمل درآمد کے لیے انٹرنیشنل مالیاتی اداروں سے تکنیکی اور مالی مدد لی جائےگی۔
