آسٹریلیا کیخلاف پاکستان کی شاندار فتح کے بعد قومی ٹیم انکے ہوم گراؤنڈ میں سب سے کامیاب ایشین ون ڈے ٹیم بھی بن گئی۔
آسٹریلیا کیخلاف دوسرے ون ڈے میں پاکستان کی شاندار فتح کے بعد قومی ٹیم آسٹریلیا کے خلاف ان کے ہوم گراؤنڈ پر سب سے کامیاب ایشین ون ڈے ٹیم بھی بن گئی۔
ایڈیلیڈ میں پاکستان کی فتح سے پہلے دونوں روایتی حریف 40 کامیابیوں کیساتھ برابر تھے، قومی ٹیم کی جانب سے 110 میچوں میں 41 کامیابیاں حاصل کی گئی، جب کہ بھارت نے 99 میچوں میں 40 میچز جیتے۔
آسٹریلیا کے خلاف ون ڈے میں قومی ٹیم کی 18 فتوحات دو طرفہ سیریز میں ہوئی ہیں جبکہ ان کی بقیہ فتوحات آئی سی سی سے منظور شدہ مقابلوں کے دوران ہوئی ہیں۔
ویسٹ انڈیز آسٹریلیا کے ہوم گراؤنڈ پر 149 میچز میں حیرت انگیز طور پر 75 ون ڈے جیت کر مجموعی طور پر سب سے کامیاب ٹیم بنی ہوئی ہے اور انگلینڈ 124 میچز میں 53 کامیابیاں حاصل کرکے دوسرے نمبر پر ہے۔
نیوزی لینڈ کی ٹیم 112 میچز میں 38 فتوحات حاصل کرکے پانچویں نمبر پر ہے۔
